રવિવારે રજા કેમ રાખવામાં આવે છે?જરૂર જાણો આ પાછળનું કારણ.

હાથ અને દિવાલો પર લાગેલી ઘડીયાળ સિવાય દિમાગમાં પણ એક ક્લોક ચાલતી હોય છે. સામાન્ય રીતે રવિવાર આવવાની આહટ માત્રથી લોકોને ખુશી મળે છે. કેમ કે, પૂરા અઠવાડીયામાં તમામ ભાગદોડ બાદ રવિવાર એવો દિવસ હોય છે, જે દિવસે મોટાભાગના નોકરીયાત, ધંધાર્થીઓને રજા મળે છે. કેટલાએ મોટા મનોરંજનોનું આયોજન પણ રવિવારે કરવામાં આવે છે. મોટી રમત ઈવેન્ટો પણ રવિવારે રાખવામાં આવે છે. પરંતુ, ક્યારે એ વિચાર્યું કે રવિવારની રજા પાછળ શું કારણ છે?

રવિવારની રજા પાછળ સામાન્ય રીતે ત્રણ ચાર કહાની બતાવવામાં આવે છે. પરંતુ, ભારતમાં જે કહાની સૌથી વધારે પ્રચલિત છે, તે સંઘર્ષની કહાની છે. આઝાદી પહેલા રવિવારની રજાનો ઇતિહાસ:

ઐતિહાસિક કારણ એ છે કે, રવિવારની રજાનો સૌપ્રથમ શ્રેય નારાયણ મેઘાજી લોખંડે ને માનવામાં આવે છે. ભારત પર જયારે અંગ્રેજી હુકુમતનું શાસન હતું ત્યારે સૌથી દયનીય હાલત મજદૂરોની હતી. મજદૂરોને સાતેય દિવસ કામ કરવું પડતું હતું. તેમને અડધા દિવસની રજા પણ ન અપાતી. નારાયણ મેઘાજી લોખંડે કે જે મજદૂરોના લીડર હતા. તેણે ૧૮૮૧માં  બ્રિટીશ શાસનની સામે રવિવારની રજાનો પ્રસ્તાવ રાખ્યો.

તે પ્રસ્તાવમાં તેમને પાંચ માંગ રાખી.

૧] રવિવારના દિવસે સાપ્તાહિક રજાઆપવામાં આવે.

2] ભોજન માટે રજા રાખવામાં આવે.

૩] કામના કલાકો નિશ્વિત કરવામાં આવે છે.

૪] કોઈ મજદુરની સાથે કામના સમયે દુર્ઘટના ઘટે તો તેને વેતનની સાથે રજા આપવામાં આવે .

5] કોઈ પણ મજદૂરનું કામના સમયે  મૃત્યુ નીપજે તો તેના પરિવારને પેન્શન આપવામાં આવે.

પરંતુ અંગ્રેજ હુકૂમતે તે પ્રસ્તાવ સ્વીકાર્યો નહિ. ત્યાર બાદ નારાયણ મેઘાજી લોખંડે દ્વારા આંદોલન શરુ થયું. અને આંદોલન 8 વર્ષ સુધી ચાલ્યું. આ આંદોલનના પરિણામે 10 જુન ૧૮૯૦માં રવિવારની રજાનો પ્રસ્તાવ અંગ્રેજ સત્તા દ્વારા સ્વીકારવામાં આવ્યો.

નારાયણ મેઘજી લોખંડેનું માનવું છે કે, જે નોકરી મળી છે તે સમાજના કારણે જ મળી છે. દરેક વ્યક્તિ જે નોકરી કરે છે તેને ૧ દિવસનો સમય સમાજ સેવાના કાર્યો માટે મળવો જોઈએ. નારાયણ મેઘાજી લોખંડેના સન્માનમાં ભારત સરકાર દ્વારા ૨૦૦૫ માં તેમના નામની ટપાલ ટીકીટ પણ બહાર પાડી.